Жамбыл облысы әкімдігінің білім басқармасы Шу ауданы білім бөлімінің «Мұқағали Мақатаев атындағы тірек орта мектебі (РО)» КММ кітапханасының оқу залында 2025 жылдың 21 қаңтар күні Ұлт-азаттық көтеріліске 110 жыл толуына орай «Азат рухтың алдаспаны» атты библиошолу магниттік мектеп оқушыларымен ұйымдастырылды. Ұлт тарихындағы маңызды оқиғаның шынайы сипатын жас оқырмандардың санасына сіңіру мақсатында ұйымдастырылған шарада кітапханашы Айнаш Жанатауова Құспанқызы 1916 жылы болған ұлт-азаттық көтерілістің шығу тарихына кеңінен тоқталды. Іс-шара соңында кітапханашы Әйгерім Әбдеш магниттік мектеп оқушыларын мектеп кітапханасының кітап қорымен таныстырып, кітап оқуға шақырды.
