2026 жылдың 10 ақпаны күні М.Мақатаев атындағы тірек орта мектебінде (РО) математика және информатика мұғалімдерінің ұйымдастыруымен "Ойлау, таңдау және болашақ" атты математика, информатика айлығының ашылу салтанаты ұйымдастырылды.
Айлықтың негізгі мақсаты – оқушылардың пәнге деген қызығушылығын арттыру, логикалық ойлау қабілетін дамыту, ақпараттық сауаттылығын қалыптастыру және білім сапасын арттыру.
Іс-шара барысында оқушылар арасында түрлі ойындар, викториналық сұрақтар ұйымдастырылып, математикалық және информатикалық білімдерін тексеруге мүмкіндік берілді. Сонымен қатар, оқушылар бағдарламалау тақырыбында көріністер қойып, заманауи технологиялардың маңызын көрсетті.
Оқушылар белсенділік танытып, өз білімдерін шығармашылық түрде көрсете білді. Айлықтың ашылуы жоғары деңгейде ұйымдастырылып, қойылған мақсаттарға қол жеткізілді.
