Жамбыл облысы әкімдігінің білім басқармасы Шу ауданының білім бөлімінің
Мұқағали Мақатаев атындағы тірек орта мектебі (Ресурстық орталық) КММ

12 ақпан күні мектебімізде «Сабақтарға SMART мақсат қою» тақырыбында Д.Т.Солтанбаева, Г.А.Молдабаева, Ж.Е.Сыздыкова дөңгелек үстел өткізді.

Іс-шараның мақсаты – мұғалімдердің сабақ мақсаттарын SMART форматында құрастыру дағдыларын жетілдіру және тәжірибе алмасу алаңын ұйымдастыру.

Дөңгелек үстел барысында қатысушылар SMART әдісінің мәні мен құрылымына тоқталды. SMART – мақсат қоюдың тиімді тәсілі ретінде сипатталып, оның бес негізгі құрамдас бөлігі түсіндірілді:

Specific (нақты), Measurable (өлшенетін), Achievable (қолжетімді), Relevant (өзекті), Time-bound (уақытпен шектелген).

Іс-шарада сабақ мақсаттарын қоюдағы жиі кездесетін қателіктер талданып, дәстүрлі мақсат пен SMART форматындағы мақсаттың айырмашылығы салыстырылды. Мұғалімдерге практикалық тапсырмалар беріліп, олар топтық жұмыс барысында берілген тақырыптарға сәйкес SMART мақсаттар құрастырды. Әр топ өз жұмыстарын қорғап, пікір алмасты.

Сонымен қатар, SMART мақсат пен бағалау критерийлерінің өзара байланысы қарастырылып, оқу мақсаты негізінде нақты сабақ мақсатын құру жолдары көрсетілді. Қатысушылар өз тәжірибелерімен бөлісіп, тиімді әдіс-тәсілдер талқыланды.

Дөңгелек үстел қорытындысында мұғалімдер SMART форматында мақсат қоюдың оқыту сапасын арттыруға, оқушылардың оқу жетістігін нақты бағалауға және сабақ құрылымын жүйелеуге мүмкіндік беретінін атап өтті.

Іс-шара өз мақсатына жетіп, педагогтердің кәсіби шеберлігін арттыруға оң ықпалын тигізді.