М.Мақатаев атындағы тірек орта мектебінің (РО) үйірме жетекшісі Кайбагарова Нұрзада 2022 жылдың 25 қарашасында Алға орта мектебінде 8-9 сынып оқушылары арасында креативті ойлайтын, интеллектісі жоғары, өзіне сенімді, топпен жұмыс істей отырып, өзара ынтымақтастықты орната алатын жастарды дамыту және оларды жетістікке жетелеу мақсатында "Білім додасы" атты зияткерлік сайыс өткізді. Сайыс Алға орта мектебінің АКТ залында өткізілді. Сайысқа 8-9 сынып оқушылары, мектеп ұстаздары келіп жанкүйер болды. Сайысқа оқушылар белсене қатысты. Сахна өз дәрежесінде безендіріліп, музыкамен әрленіп, сайыс кезеңдеріне суреттер, слайд, бейнероликтер жасалып, оқушылардың қызығушылығын туғызып, көрермен қауымын баурап алды. Көрермендермен сұрақ-жауап ұйымдастырылды. Нәтижесінде сайысқа қатысқан командалар мақтау қағазымен марапатталды. Сайыс соңында Жексенбаева Баян Ниятуллақызы, Шуратбаева Қарылғаш Шатырханқызы мен Алға орта мектебінің директордың оқу-ісі жөніндегі орынбасары Диханбаева Балнұр Кенжебекқызының сөзімен қорытындыланды.
